الحب ملىء البلد ياخونا حب حب حب حياتنا كلها حب

السلام عليكم


هنتكلم بكل الحب عن الحب النهارده

ياخوانا انتوا ملاحظين ظاهره اليومين دول وادة مش بس زادت دى رطرطت حبيب قلبى روحى نور عينى وحشنى ياقمر عليا النعمه بموت فيك
الكلام الحلو ده كله مكنش فى قاموسنا اليومى قبل كده
والكلام ده مش بيقولوا راجل لست وبس كده ده كمان بيقوله راجل لراجل
واى حد تقابله يقوم رازعك طقم حنيه بدون اى مناسبه كده بدون سابق معرفه
الشى الغريب ان شلال الكلام الغريب والفظيع ده جاى فى وقت الحب انتهى فيه تماما
والناس مبقتش طاييقه بعضها والحقيقه ثورة الاتصالات والموبايلات اخترعت
لنا وسائل جديده للتعبير عن الحب مسجات ورنات جاهزه يادوب تكتب سند
وأبعت يباشا وكلنا طبعا فاكرين عبد الحليم حافظ ولبنى عبد العزيز فى الوساده الخاليه
ومكالمات التليفون اللى كانت بنهم طول الليل ولبنى بتقوله بصوتها اللى يدوخ أقفل بقى ياصلاح
كانت بتقول صلاح بطريقه ياجماعه خلتنى أعيد الثانويه العامه عشان أحسن مجموعى
كان نفسى يبقى اسمى صلاح ياجماعه ياااااااااه
من حلاوة صلاح اللى بتقولها
وطبعا عبد الحليم ولبنى كانوا بيتكلموا بالساعات بدون اى مشاكل لان مصلحة التليفون كانت بتدفع فلوس للى يتكلموا فى التليفون عشان يشجعوا الناس تتكلم
النهارده بقى هنستعرض مع بعض قاموس لالفاظ عاطفيه جديده بعد ظهور الموبايل
تلاقى اللى بتكلمك تقولك يالا باى يالا باى بقى هاااه ايه ياله باى دى كانها مش قادره تسيبك
وبعدين طلعت حاجه جديده سى يو بقى سى يو هاه ايه سى يو دى

ظهرت بقى قافله جديده بقى للمكالمات وضحك وكلام من اللى قالبك يحبه فجأه تقولك بتأثر
لا اله الا الله والدموع ماليه عنيها وطبعا لازم ارد محمد رسول الله طبعا ذكر الله شىء جميل
بس دى بتكلمنى 19 مره فى اليوم وبعدين انا مش مسافر أستراليا ولا رايح اعمل عمليه جراحيه



خدوا دى بقى جديده برضه
فى نهاية المكالمه بعد يلا باى وسى يو تقولى تك كير تك كير بقى
يعنى ايه هى بتكلمنى وانا بتسلق جبل المقطم وواقع على جذور رقبتى ولا انا رايح أتخانق مع جماعه فى الدويقه تك كير كده فى وشى

[size=25]ظاهره تانيه بقى لما تتصل بيا واحده واقول
الووووووووووو تقوم هى مخضوضه وتقولى مالك فى ايه صوتك مش عاجبنى
طمنى عليك
وانا مقولتش غير الوووو والله ياخوانا احلفها انى كويس جدا ومافيش اى حاجه انما هى مش مصدقانى مفكرانى مخبى عليها المصيبه اللى انا واقع فيها
وتلاقيها بقى تقولك بللللللللللللللللللليزززززززز قولى مالك فى ايه قلقتنى عليك انا طبعا عارف ان هى قلقانه عليا لازم أجارى مشاعيرها مدام هى مخضوضه لازم اكون عندى انا كمان حاجه تخض
اقولك لا مفيش حاجه انا بس كان عندى شوية أنفلونزا بس كويس يعنى
تقوم مصوته فى وشى يالهووووووووى انت لازم تروح لدكتور انت لازم تعمل تشييييك أب (الوليه دى تصوت على مين)
مع انى كنت بطمنها محسسانى انى عندى انفلونزا الطيور

وعلى كده علطول بقيت شايف كل اللى حواليه نازلين حب فى بعض وخوف على بعض
كل الكلام حلو كل الاحضان دافئه كل المقابلات سبايسى
مش مكفينا عيد حب واحد فى السنه عندنا اتنين فلانتين واحد فى فبراير وواحد فى نوفمبر
امال نودى الحب اللى عندنا ده كله فين

وفى ظاهرة الافراح تدخل تلاقى العريس والعروسه نازلين رقص والناس فرحانه وبتسقف
قرب كده سعتك لاى طربيزه ولمع ألاووكرررر هتلاقى المعازيم نازلين تقطيع فى فروة العريس والعروسه واهلهم

ولو دخلت عذاء تلاقى الناس نازله عياط وصوات ونهنهه لدرجة انك متعرفش سعتك الميت ده يبقى قريب مين
قرب كده سعتك ولمع الاوكرررر لاتنين معزين كانوا بيعيطوا ونازلين نهنهه بيقوله سمعت اخر نكته
هاهاهاهاها ويقوموا فطسانين على روحهم
هى دى الروح ياجماعه
ياسلام حب حب حب حب حب
فى كل حته حب فى النوادى فى الشوارع فى المقاهى فى كله حتى حب
يااااااساتر شوية كراهيه بقى الحب ملىء البلد
اعزائى المستمعين بحبكم جدا مستمع مستمع ومستمعه مستمعه
وحتى اللى مش سامعنى دلوقتى بحبهم جدا انا مش قادر اوصفلكم بحبكم قد ايه
من الحلقه للحلقه عموما انا مش هنام لحد بكره لحد منتقابل
يالا باى بقى تيك كير تك كير هاه بليزززز اعملوا تشيك أب عشان انا قلقان عليكم صوتكم مش عاجبنى خالص تيك كير بقى

hamada[/size]

الرومانسية لغة الحياة والحب اجمل شئ ربنا اوجدة لنحب بعضنا مش مهم حبك لحبيبك ممكن حبك لاهلك لاقاربك لاصدقائك المهم انك تحب وانك تحب احسن من انك تكره وانا والله سعيد بوجودى هنا وكمان سعيد بيكم وبحبكم اوى وششكرا على الموضوع الاكثر من رائع

مرسى يامحمد نورت التوبيك بجد

والله واحنا كمان بنحبك اوى اوى اوى فوف ماتتخيل بعيدا عن اى حاجه بنحب اخلاقك واحترام وطيبة قلبك دى نورت التوبيك ياكابتن حازم
اخوك حماده