نكت جديده جدا (عشان خاطر الكابتن حازم )

واحد قاعد في خمارة لقى اتنين مساطيل بيكلموا بعض
- انت ساكن فين
- في مدينة نصر
- معقولة؟ وانا كمان .. فين في مدينة نصر؟
- في المنطقة الأولى شارع النصر
- الله وأنا كمان، في عمارة كام؟
- شقة 35
- لأ مش ممكن ، وانا كمان
الراجل هيتجنن، سأل الجرسون ايه الحكاية؟
- متاخدش ف بالك دول واحد وأبوه بيسكروا هنا كل يوم

اب كسلان بيقول لابنه كسلان اوم افتح الباب لامك
قاله: ماتروح تفتحلها انت مش دي تبقى مراتك
قال الاب اوم يا ابني دي امك
قال الابن: وتبقي برده مراتك اوم انت افتحلها
طب هي طالق اوم بقي افتح يافالح

واحدة حامل فى ثلاث توائم
يوم الولادة الدكتور بيطلع العيل الأول لقاه نايم وساكت قعد يضريه على وشه حتى صرخ الطفل ركنه على جنب
وطلع الطفل الثانى لقاح زى أخوه قعد يضربه لما فاق وركنه
جه الدكتور يدور على الطفل الثالث مش لاقيه راح ماشى وقال للممرضة كملى لأنهم اثنين بس
الممرضة جت تكمل لقت الطفل الثالث طالع براسه بالراحة وبيسألها
هو الراجل اللى بيضرب العيال مشى ولا لسة



· تلاته عمالين بيحششوا فى مزرعة طب عليهم البوليس استخبوا فى تلات أشوله جه الضابط شاط الشوال الأول برجله قام الحشاش الأول
عمل نفسه بطة و قعد يكاكي راح الضابط سابه وراح عالشوال التاني و شاطه قام الحشاش اللى جوه قعد يأذن ويقلد صوت الديك الظابط
سابه وراح عالشوال الثالث برضه شاطه برجله الحشاش التالت متكلمشى.. شاطه تانى بس بالجامد برضه متكلمش. شاطه تالت طلعله الحشاش يقوله بطاطس بطاطس أنت مبتفهمش


واحد عنده كتكوت مفترس، كل ما يدخله قفص الفراخ يروح الكتكوت واكلهم، وفي قفص القرود ياكلهم، وفي قفص القطط ياكلهم،
راح راميه في الصحراء. صعب عليه الكتكوت وراح يشوفه بعد تلات أيام، لقى الكتكوت مرمي عالأرض والنسور
بتحوم حواليه، الراجل قاله: يا حبيبي إنت مت؟ قام الكتكوت وقال له: يخرب بيتك بوظت الكمين



محشش طلبت منه مراته أنه يخرج معاها..قالها أعملى لى شتاء فرشت له ميه قالها أعملى لىبرق فولعت النور و طفيته قالها أعملى لى عواصف شغلت له المروحه فى الأخر ..قالها يا مجنونه حد يخرج فى الجو الوحش ده

واحد بقول للتاني : لو مفيش ستات في الدنيا كان إيه إلي حصل .
إتاني قاله : مكنش الراجل إتجوز على مراته



اثنين محششين قاعدين فوق برج إيفل...قال الاول للثاني: لو نطيت من فوق أد ايه ناخذ وقت علشان نوصل تحت؟....رد عليه الثاني:حوالي ثلاث ايام...قال الاول: تتوقع نموت؟؟؟ردعليه الثاني :أكيد ...ثلاث ايام لا اكل لا شراب ...أكيد تموت



مرة واحد تاه في الصحرا فطلعوا عليه قطاع طرق مساطيل قلولو انت معانا ولا مع الناس التانيين قلوهم لا انا معاكم فقلوا احنا الناس التانيين

ههههههه الله الله بجد عسول ودمك خفيف

عاوز كمان ممكن

ههههههه الله الله بجد عسول ودمك خفيف

عاوز كمان ممكن



هههههههههههههههههه
يعنى بزمتك حد يشوف الكلام الرقيق ده ويقول مش ممكن انت تأمر ياكابتن حازم
من عينى الاتنين

هههههههه جميل اوى انا انهارده اول مرا اضحك من قلبى بجد والله

مررررررررررررررررسى نورت التوبيك يباشا